اول موضوع

السلام عليكم

اول موضوع فى المدونة مش عارف كنت اكتب فية أية

وعلشان كدا انا قررت أن أول موضوع يكون بالصينى أو باليبانى

أنا قررت لغة الكتابة للموضوع بس لسة مش عارف أكتب اية

أة خلاص لقيت موضوع وهكتبة باليابانى

神の名は、慈悲深く

〜の後で

神をたたえよ

طب أنا مش بعرف يابانى كويس

قلت خلاص يبى أكتب الموضوع بالإنجليزى

The name of God the Merciful 

After 

Praise be to God

ثوانى

أنا نسيت أن أنا فى مصر والناس يادوب بتقرأ أرقام التليفون اللى بالأنجليزى بالعافية  

طب وبعدين هعمل اية

الموضوع ممكن يكون مهم 

خلاص يبقى بالعربى(لغة الضاد)

لغة الضاد هو الإسم المرادف للغة العربية،

 حاولت مراراً معرفة أصل التسمية

 إلا أنني لما أفلح بالتوصل إلى جواب قاطع،

 قيل أن اللسان العربي الوحيد هو القادر على لفظ الحرف بشكل صحيح،

 و قيل أن اللغة العربية هي الوحيدة التي تحتوي على الحرف و قيل و قيل و قيل...

إن التسميات المرادفة للغة العربية ليست هدفي الرئيسي من كتابة هذا المقال، تابعوا القراءة لآخر الموضوع

طب أية الموضوع 

كل هيسأل السؤال دة

هقلكم 

زى من شوية الناس يادوب بتعرف تقرا الحروف الإنجليزى بالعافية

طب هتعمل اية

لو حاولت تقرا نشرة دواء من النشرات الأدوية الأجنبية المنتشرة

يعنى الناس ثقافتها بالإنجليش واقعة

طب السبب

الناس تقلك 

دى لغة ناس كفرة

وإحنا هنعمل بيها اية

يا عم كبير

يا عم لما نتعلم الإنجليزى ونتكلم إنجليزى فين عروبتنا فين أنتمائنا للغتنا

العربى لغة القرأن ويوم الحساب هييكون الكلام بالعربى

يبقى الانجلش بتاعك دا ينفاعنا فى اية

ماشى ياعم انا معاك دى أفكارك وكل حاجة 

وأنا بحترم رأيك مهما كان بس الحياة دلوقتى كلها بقت بالإنجليزى وبعدين

 عندك مثلا الألمان بيعرفوا أنجليزى كويس جدا وكمان عندهم معرفة بالعربى 

ولو كلمت واحد ألمانى بالإنجليزى بيكون فاهم سؤالك 

بس بيرد عليك بالإلمانى 

أيوا بيعتز باللغة بتاعتة 

بس مش معنى كدا انة يقفل بابة علية ويقلك اللى يجينى باللغة بتاعتى أعرفة واللى مش بلغتى ماليش دعوة بية

طب الإنجليزى دلوقتى  بقى فى كل حاجة

ساعت الواح مايصحى من النوم 

وقبل الشاور

لازم يقبلة على الاقل عشرين كلمة إنجليزى

ويادوب بيفهم منهم حوالى كلمتين او تلاتة بالعافية

طب لو أشتريت جهاز جديد موبايل مثلا وإحنا عندنا عقدة من المصرى

يعنى بتتصل بقريب جارك خالتك اللى مسافر برة علشان يجبلك موبيل من اللى بتسع كمارات وبلوتوث وإنفرا و أربع شاشات وسماعات 2000 وات وشوية حبشتكانات لزوم الفشخرة

وبعد الجهاز ميجى وتدفع فية تحويشة العمر متعرفش تشغلة 

وتروح عند جارك وتقلة 

والنبى ممكن تعرفنى بالبتاع دة بيشتغل إزاى أصل الكاتالوج بتاعة بالإنجليزى وانت عارف ان انا مليش فى الإنجليزى

وبعدين فى الدراسة مش بنهتم بالمصطلاحات الأجنبى

_______________________

طب الحل

أعتقد الكل لازم يتعلم إنجليزى علشان نعرف نوك مع الناس دى أو على الأقل نفهم هما بيعملوا أية

الحمد لله